Հայ շախմատիստները գրավել են լավագույն եռյակը Փոթիի կայծակնային շախմատի մրցաշարում

Վրաստանի Փոթի քաղաքում անցկացված Irakli Lolua Cup կայծակնային շախմատի մրցաշարում հայ շախմատիստները լավագույն արդյունքներն են գրանցել։

Շախմատի ֆեդերացիայի փոխանցմամբ՝ մրցաշարի հաղթող է դարձել միջազգային վարպետ Ալեքս Սահակյանը, որը 9 հնարավորից վաստակել է 8 միավոր։

Նշվում է, որ Ալեքս Սահակյանը ներկայումս գտնվում է զինվորական ծառայության մեջ։

Երկրորդ և երրորդ տեղերը զբաղեցրել են հայ շախմատիստներ Մենուա Հակոբյանը և Հակոբ Հակոբյանը՝ հավաքելով 7,5-ական միավոր։