Ում են պատկանում բետոնախառնիչները, որոնցով փորձում էին կաթվածահար անել քաղաքի երթևեկությունը․ bagramyan26

Ըստ @bagramyan26-ի՝ բետոնախառնիչները, որոնցով փորձել են կաթվածահար անել քաղաքի երթեւեկությունը, պատկանում է ՀՀԿ-ական, սպորտի և երիտասարդության հարցերի նախկին նախարար Արսեն Քարամյանին պատկանող «ԷՅ ԴԻ ԷՅ ԹԵՔ» սահմանափակ պատասխանատվությամբ ընկերություն (ՍՊԸ) շինարարական ընկերությանը։ Տելեգրամյան ալիքը հղում անելով իր աղբյուրներին նշում է, թե հենց այս պահին ոստիկանությունը բերման է ենթարկում ոչ միայն փողոցները փակելուն մասնակցած բեռնատարներին, այլեւ այս կազմակերպությանը պատկանող բոլոր մեքենաներին։ Ոստիկանությունը խիստ հանձնարարական է ստացել՝ բերման ենթարկել բոլոր այն կազմակերպությունների մեքենաները, որոնք փորձում են սիստեմատիկ կերպով խոչընդոտել երթևեկությունը։

Auroranews-ը վերոնշյալ տեղեկության հետ կապված մանրամասներ փորձեց ճշտել ոստիկանությունից, խնդրեցին զանգահարել քիչ ավելի ուշ։ 

Հիշեցնենք՝ ավելի վաղ ԱԺ-ում Ալեն Սիմոնյանը հայտարարեց ժամանակին ընկերությունները, շոու բիզնեսի աստղերը վախենում էին ծպտուն հանել, եկեղեցականները վախենում էին քիթը սև քողերի տակից հանեին․ մենք ենք «մեղավոր», հետևություններ կարվեն: