Զախարովան աշխարհի առաջնորդներին կոչ է արել համոզել Ազովստալում գտնվողներին հանձնվել
Ազովստալի շուրջ ստեղծված իրավիճակում համաշխարհային առաջնորդները կարող են օգնել միայն մեկ բանում՝ համոզել այնտեղ գտնվողներին օգտագործել մարդասիրական միջանցքը, ասել է ՌԴ ԱԳՆ պաշտոնական ներկայացուցիչ Մարիա Զախարովան, փոխանցում է Ռիա Նովոստին։
Նա մեջբերել է Ուկրաինայի փոխվարչապետ Իրինա Վերեշչուկին, ով ասել է, որ մոտ 1000 խաղաղ բնակիչներ և 500 վիրավոր զինվորներ այժմ գտնվում են Ազովստալում։ Զախարովան անդրադարձել է նաև Վերեշչուկի խոսքերին, որտեղ նա կոչ է արել համաշխարհային առաջնորդներին և միջազգային հանրությանը իրենց ջանքերը կենտրոնացնել Ազովստալի ուղղությամբ։
