Ֆրանսիական Danone-ը դադարեցրել է Evian հանքային ջրի և Alpro բուսական արտադրանքի ներմուծումը Ռուսաստան

Ֆրանսիական Danone ընկերությունը դադարեցրել է Evian հանքային ջրի և Alpro բուսական արտադրանքի ներմուծումը Ռուսաստան։ Ապրիլի 5-ին Danone-ի մամուլի ծառայությունը հայտնել էր, որ ընկերությունը չի հեռանա ռուսական շուկայից։ Այս մասին գրում է Kommersant-ը:
 

««Danone»-ը որոշում է կայացրել էապես փոխել իր բիզնեսը Ռուսաստանում՝ այն վերակենտրոնացնելով հիմնականում կաթնամթերքի, մանկական և առողջարար սննդի վրա և դադարեցնելով Evian-ի և Alpro-ի ներմուծումը»,- ասվում է ընկերության այս տարվա առաջին եռամսյակի ֆինանսական հաշվետվության մեջ:
 

Մարտի սկզբին ընկերությունը դադարեցրեց ներդրումային ծրագրերը Ռուսաստանում, սակայն խոստացավ պահպանել կաթնամթերքի և մանկական սննդի արտադրությունը։