Փաշինյանը` Պուտինի չշնորահավորելու մասին

Պուտինը դեռ չի շնորհավորել։ Հուսանք, որ կշնորհավորի: Այսպես է վարչապետ Նիկոլ Փաշինյանը մեկնաբանել լրագրողի խոսքերն այն մասին, որ ընտրություններում հաղթանակի կապակցությամբ ՌԴ-ից դեռ շնորհավորանքներ չեն եղել։ 

Փաշինյանը նաև հայտարարեց, որ Մոսկվա կատարած այցի հետ կապված ռուսական կողմի հետ փոխըմբռնում ունի, բայց հրավեր է պետք: «Եթե լինի, կգնամ, այսինքն ՝ հաստատ չեմ մերժի»։

«Ես 8 տարուց ավելի աշխատում եմ ՌԴ նախագահի հետ, գիտեմ, որ նա ռացիոնալ մարդ է, որը հենվում է փաստերի և փաստարկների վրա։ Եթե նրանք ունեն մտահոգություններ, մենք դրանք համբերատար կփորձենք փարատել ու կշարունակենք աշխատել, ոչ մի խնդիր չկա», - ասել է վարչապետը։

Ավելի վաղ ՌԴ նախագահի մամուլի քարտուղար Դմիտրի Պեսկովը հայտարարել էր, որ Կրեմլը ձեռնպահ է մնում Հայաստանի ընտրությունները գնահատելուց մինչև վերջնական արդյունքների հայտարարումը: