ՊԵԿ-ի նախագահը հայտնել է` ինչի հետ է կապված Ծառուկյանի քրեական հետապնդումը
«Բարգավաճ Հայաստան» կուսակցության նախագահ, գործարար Գագիկ Ծառուկյանի նկատմամբ հանրային քրեական հետապնդումը կապված է վառելիքի ներմուծման ոլորտում թաքցրած հարկերի հետ։ Այս մասին ԱԺ-ում լրագրողների հետ ճեպազրույցում ասաց Պետական եկամուտների կոմիտեի նախագահ Էդուարդ Հակոբյանը։
Նա նշեց, որ այդ քրգործով ներմուծման և վաճառքի գործընթացում թաքցրած հարկեր են բացահայտվել։
«Գագիկ Ծառուկյանի հետ փոխկապակցված էլի տարբեր գործեր կան։ Մենք անցած տարի ևս ստվերային շրջանառություններ ենք բացահայտել»,-ասաց նա։
Հիշեցնենք` հունիսի 9-ին Հայաստանի գլխավոր դատախազությունից տեղեկացրել են, որ գործարար, «Բարգավաճ Հայաստան» կուսակցության նախագահ Գագիկ Ծառուկյանի նկատմամբ հանրային քրեական հետապնդում է հարուցվել առանձնապես խոշոր չափերով հարկերից խուսափելու հոդվածով։ Նրա նկատմամբ որպես խափանման միջոց էր ընտրվել բացակայելու արգելքը։
Նմանատիպ հոդվածներ
Ավելին Քաղաքականություն բաժնից
Ադրբեջանն ու Իրանը համաձայնեցրել են Արաքս գետի ջրային ռեսուրսների բաշխումը
Ինչքան գումար ծախսեցին քաղաքական ուժերը նախընտրական գովազդի համար. «Հետք»
ԲՀԿ-ից արձագանքել են Փաշինյանի հայտարարությանը
