Ամերիկյան ընկերությունը ԱԹՍ-ներ կնվիրաբերի Ուկրաինային
Ամերիկյան AeroVironment ընկերությունը, որն արտադրում է անօդաչու թռչող սարքեր, որոշել է ավելի քան 100 Quantix Recon հետախուզական անօդաչու թռչող սարք փոխանցել Ուկրաինայի պաշտպանության նախարարությանը, հայտնում է ընկերության մամուլի ծառայությունը։
Անօդաչու սարքերի հետ միասին ընկերությունը ուկրաինացի զինվորականներին կտրամադրի նաև օպերատիվ ուսուցման ծառայություններ՝ այդ համակարգերի հետ աշխատելու համար։ Quantix Recon անօդաչու սարքերը պետք է ուղարկվեն այս շաբաթ, հայտնել են ընկերության մամուլի ծառայությունից։
