Ավստրիայի կանցլերը Պուտինին ասել է, որ Զելենսկին ցանկանում է ուղիղ բանակցություններ վարել վերջինիս հետ
Ավստրիայի կանցլեր Կարլ Նեհամերը ճեպազրույցում ասել է, որ ՌԴ նախագահ Վլադիմիր Պուտինի հետ բանակցությունների ընթացքում հայտարարել է Ուկրաինայի առաջնորդ Վլադիմիր Զելենսկու՝ ուղիղ բանակցություններ վարելու ցանկության մասին, գրում է ՏԱՍՍ-ը։
«Ես մատնանշեցի, որ նախագահ Զելենսկին ցանկանում է ուղիղ կապ հաստատել իր հետ՝ բանակցելու համար։ Բայց սրան էական արձագանք չեղավ»,- ասել է Ավստրիայի կաբինետի ղեկավարը:
Ավելի վաղ Կարլ Նեհամերը հայտարարել էր, որ Նովո-Օգարյովոյում Վլադիմիր Պուտինի հետ իր զրույցը «շատ կոշտ ու բաց» է եղել։
Նովո-Օգարյովոյում Կարլ Նեհամերի և Վլադիմիր Պուտինի բանակցությունները տևել են 75 րոպե։
Ավստրիայի արտգործնախարար Ալեքսանդր Շալենբերգի խոսքով՝ քաղաքական գործիչները պատրաստվում էին «դեմ առ դեմ» հանդիպում անցկացնել՝ առանց մամուլի մասնակցության։
