Կալանավոր Է մահացել․ «էկզոգեն թունավորում, գանգուղեղային փակ վնասվածք» ախտորոշմամբ տեղափոխվել էր հիվանդանոց
Երեկ, ապրիլի 4-ին, «Արմենիա» բժշկական կենտրոնից ահազանգ է ստացվել ոստիկանության Մաշտոցի բաժին, որ «էկզոգեն թունավորում, գանգուղեղային փակ վնասվածք» ախտորոշմամբ՝ ՀՀ արդարադատության նախարարությանն քրեակատարողական ծառայության «Նուբարաշեն» ՔԿՀ-ից բուժօգնության տեղափոխված կալանավորը մահացել է։ Ինչպես հայտնում է ֆոտոլրագրող Գագիկ Շամշյանը, հիվանդանոց է մեկնել ոստիկանության Մաշտոցի բաժնի հերթապահ խումբը՝ հետաքննական բաժանմունքի ավագ հետաքննիչ Վարդանյանի գլխավորությամբ։
Ոստիկանները պարզել են, որ մահացածը ՀՀ քրեական օրենսգրքի 266 հոդվածի 1-ին մասի (թմրամիջոցների, հոգեմետ (հոգեներգործուն) նյութերի ապօրինի պատրաստելը, վերամշակելը, ձեռք բերելը, պահելը, փոխադրելը, առաքելը կամ դրանք ապօրինի իրացնելը) հատկանիշներով կալանավորված 57-ամյա Գևորգ Ա․-ն էր։
Գ․ Շամշյանի տեղեկություններով՝ մահացածը «Արմենիա» բժշկական կենտրոն էր տեղափոխվել մարտի 23-ին։
