Ռուսաստանում կարող են հրաժարվել որոշ շրջաններում նահանգապետերի ուղղակի ընտրություններից
Ռուսաստանի Դաշնությունում կարող են հրաժարվել որոշ շրջաններում նահանգապետերի ուղղակի ընտրություններից:
Նահանգապետներն իրենք են խնդրել ուսումնասիրել այս հնարավորությունը՝ ելնելով ստեղծված տնտեսական իրավիճակից։ Այս մասին հայտնում է «Կոմերսանտ»-ը՝ վկայակոչելով նախագահի աշխատակազմում երեք աղբյուրներ:
Ըստ աղբյուրների՝ հավանականություն կա, որ մարզերին իրավունք կտրվի փոխել օրենքը և ուղղակի ընտրությունները փոխարինել տեղական օրենսդիր ժողովներում քվեարկությամբ։ Ավելի քիչ հավանական տարբերակ է ընտրությունները տեղափոխելը: Միաժամանակ ընդգծվում է, որ այս հարցի վերաբերյալ վերջնական որոշում չի կայացվել և կկայացվի «ամենաբարձր մակարդակով»։
