Ռուս-ուկրաինական բանակցություններում փոխզիջումները կորոշվեն համաուկրաինական հանրաքվեով. Զելենսկի
Ուկրաինայի և Ռուսաստանի Դաշնության միջև բանակցություններում փոխզիջումները կորոշվեն համաուկրաինական հանրաքվեով: Այս մասին այսօր հայտարարել է Ուկրաինայի նախագահ Վլադիմիր Զելենսկին:
Նրա խոսքով՝ դա կներառի Ուկրաինայի անվտանգության երաշխիքները և ժամանակավորապես օկուպացված Դոնբասի և Ղրիմի տարածքների հարցերը:
«Բոլոր բանակցային խմբերին ես բացատրել եմ՝ երբ դուք խոսում եք այս բոլոր փոփոխությունների մասին, և դրանք կարող են պատմական լինել, մենք ոչ մի տեղ չենք գնա, կգանք հանրաքվեի, ժողովուրդը պետք է ասի և իր պատասխանը տա փոխզիջումների որոշակի ձևաչափերի վերաբերյալ:
Բայց թե դրանք ինչ կլինեն, արդեն մեր խոսակցության և Ուկրաինայի ու Ռուսաստանի փոխըմբռնման հարցն է։ Ուստի, ամեն դեպքում, ես պատրաստ եմ ամեն ինչի, եթե այս ճանապարհը մեր ժողովրդի հետ լինի»,- ասել է նա:
