Քաղաքականություն

Հայաստանը ակտիվ բանակցում է Իրանի հետ. հարցը Հյուսիս-հարավ երթուղու ձևավորման շուրջ է

Հայաստանը ակտիվ բանակցում է Իրանի հետ. հարցը Հյուսիս-հարավ երթուղու ձևավորման շուրջ է
Հայաստանը շարունակում է խորացնել Իրանի հետ ավանդական բարիդրացիական հարաբերությունները և այդ նպատակով վարչապետ Նիկոլ Փաշինյանը երկու անգամ հանդիպել է Իրանի նախագահ Իբրահիմ Ռայիսիի հետ: Ինչպես…

Հայաստանը շարունակում է խորացնել Իրանի հետ ավանդական բարիդրացիական հարաբերությունները և այդ նպատակով վարչապետ Նիկոլ Փաշինյանը երկու անգամ հանդիպել է Իրանի նախագահ Իբրահիմ Ռայիսիի հետ: Ինչպես տեղեկացնում է «Արմենպրես»-ը, Ազգային ժողովի արտաքին հարաբերությունների հանձնաժողովի նիստում այս մասին ասաց Արտաքին գործերի նախարար Արարատ Միրզոյանը: 

«Իրանի հետ ավանդական բարիդրացիական հարաբերությունների խորացման նպատակով 2021 թվականի օգոստոսի 5-ին վարչապետ Նիկոլ Փաշինյանն Իրանի Իսլամական Հանրապետություն աշխատանքային այցի շրջանակներում հանդիպել է ԻԻՀ նախագահ Իբրահիմ Ռայիսիին, հաջորդ հանդիպումը տեղի է ունեցել նույն թվականի սեպտեմբերի 17-ին Դուշանբեում: Այդ հանդիպումներում քննարկվել են հայ-իրանական բազմակողմ հարաբերությունների հետագա զարգացմանը և տարածաշրջանում տեղի ունեցող գործընթացներին վերաբերող հարցեր»,- ասաց Միրզոյանը: 

ԱԳ նախարարը նշեց, որ տարեվերջին Իրանի կառավարությունն ընդունել է որոշում Կապանում գլխավոր հյուպատոսություն հիմնելու վերաբերյալ, հայկական կողմից քննարկվում է Թավրիզում գլխավոր հյուպատոսություն բացելու հարցը: 

«Իրանի հետ ակտիվ բանակցություններ են ընթանում Հյուսիս-հարավ միջազգային տրանսպորտային երթուղու ձևավորման շուրջ»,- եզրափակեց Արարատ Միրզոյանը:

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7885) Միջազգային (3488) ԱՄՆ (2343) Ռուսաստան (2190) Իրան (1769) Ընտրություններ (1275) Ուկրաինա (869) Երևան (816) Իսրայել (762) Ադրբեջան (659) Փաշինյան (572) Եվրոպա (524) Ազգային ժողով (474) Ընդդիմություն (460) Թրամփ (444)

Radio Aurora

Լսել Radio Aurora

Գովազդային տարածք

300x250