Ուկրաինայում ոչ թռչքային գոտու սահմանումը կարող է հանգեցնել Ռուսաստանի դեմ պատերազմի. Սպիտակ տուն
Սպիտակ տան մամուլի քարտուղար Ջեն Փսակին լրագրողներին ասել է, որ ԱՄՆ նախագահ Ջոզեֆ Բայդենը լավ քայլ չի համարում Ուկրաինայում ոչ թռիչքային գոտի սահմանելը, փոխանցում է ТАСС-ը։
«Ճիշտ է նաև, որ նախագահը պետք է որոշումները դիտարկի մեր ազգային անվտանգության և համաշխարհային անվտանգության շահերի տեսանկյունից: Եվ նա շարունակում է հավատալ, որ ոչ թռիչքային գոտի սահմանելը կլինի էսկալացիոն քայլ, որը կարող է հանգեցնել Ռուսաստանի դեմ պատերազմի», - ասել է Բայդենի վարչակազմի պաշտոնյան:
Միևնույն ժամանակ, նա նշել է, թե Սպիտակ տունը հասկանում է Ուկրաինայի նախագահ Վլադիմիր Զելենսկու մտահոգությունները:
