Չավուշօղլուն կմեկնի Մոսկվա
Մարտի 16-ին Թուրքիայի ԱԳ նախարար Մևլութ Չավուշօղլուն բանակցություններ կվարի Ռուսաստանի արտգործնախարար Սերգեյ Լավրովի հետ։ Քաղաքական գործիչների հանդիպումը կկայանա Մոսկվայում, այս մասին հայտնում է ՌԴ ԱԳՆ կայքը։
«Մարտի 16-ին Թուրքիայի Հանրապետության արտաքին գործերի նախարար Մևլութ Չավուշօղլուն կայցելի Մոսկվա՝ Ռուսաստանի Դաշնության ԱԳ նախարար Սերեյ Լավրովի հետ երկկողմ և միջազգային օրակարգի հարցերի լայն շրջանակի շուրջ բանակցությունների համար»,- նշվում է դիվանագիտական գերատեսչության հաղորդագրության մեջ։
