Արցախում արդեն հինգերորդ օրն է 100 հազար բնակիչ ամբողջությամբ զրկված է գազամատակարարումից. Արտակ Բեգլարյան
Արցախի Հանրապետության պետական նախարար Արտակ Բեգլարյանն անդրադարձել է վերջին օրերին Ադրբեջանի զինված ուժերի կողմից հրադադարի խախտումների և Արցախի խաղաղ բնակավայրերի արկակոծման դեպքերին։
Արցախում ձյուն է տեղում, օդի ջերմաստիճանը 0°C է։
Արդեն հինգերորդ օրն է 100 հազար բնակիչ ամբողջությամբ զրկված է գազամատակարարումից:
Դրան զուգահեռ շարունակվում են կրակոցները քաղաքացիական բնակավայրերի ուղղությամբ ՝ խոշոր եւ փոքր տրամաչափի զենքերից ՝ խոչընդոտելով գյուղատնտեսական աշխատանքների կատարմանը։
Եզրակացությունը մեկն է. Ադրբեջանը ցանկանում է շարունակել մարդկության դեմ իր ոճիրը և հայաթափել Արցախը, իսկ մենք ամուր կանգնած ենք մեր հինավուրց հայրենիքում և ոչ մի զրկանք չի սասանի մեր կամքը:
