«Ոչ ոք չի բացառում Պուտինի և Զելենսկիի հանդիպման հնարավորությունը». Պեսկով
Կրեմլը չի բացառում Ռուսաստանի և Ուկրաինայի նախագահներ Վլադիմիր Պուտինի և Վլադիմիր Զելենսկիի հանդիպման հնարավորությունը, սակայն այն պետք է պատրաստ լինի արդյունքի, լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։
«Ոչ ոք չի բացառում Պուտինի և Զելենսկիի հանդիպման հնարավորությունը։ Այո, իսկապես, դա կոնցեպտուալ հնարավոր է», - ասել է Կրեմլի խոսնակը։
Նա նաև զգուշացրել է, որ «նախ և՛ պատվիրակությունները, և՛ նախարարները պետք է անեն իրենց բաժինը, որպեսզի նախագահները չհանդիպեն հանուն գործընթացի և հանուն խոսակցության, այլ հանդիպեն արդյունքի համար»։
«Ռուսական կողմի դիրքորոշումները հայտնի են, դրանք հստակ ձևակերպված են և ուկրաինացի բանակցողների ուշադրությանն են ներկայացվում, մենք սպասում ենք փոխադարձ ձևակերպումների», - ասել է Պեսկովը։
