Ձմռանը Եվրոպան մեծ խնդիրներ կունենա, եթե Ռուսաստանը դադարեցնի գազի մատակարարումը. Մակրոն
Ձմռանը Եվրոպային մեծ խնդիրներ են սպասվում, եթե Ռուսաստանը դադարեցնի գազի մատակարարումը։ Այս մասին հայտարարել է Ֆրանսիայի նախագահ Էմանուել Մակրոնը, գրում է ТАСС-ը։
«Ֆրանսիան այնքան էլ կախված չէ ռուսական գազից, սակայն եթե Ռուսաստանը դադարեցնի գազի մատակարարումը, Եվրոպան հաջորդ ձմռանը մեծ դժվարությունների առջև կբախվի»,- ասել է նա։
Ավելի վաղ Մակրոնը հայտնել էր Ռուսաստանին հարգելու անհրաժեշտության մասին․
«Մենք միշտ պետք է հարգանքով վերաբերվենք Ռուսաստանին և ռուս ժողովրդին։ Մի օր մենք պետք է վերադառնանք բանակցությունների սեղանի շուրջ»,- ասել է նա։
