Ռուսաստանի և Թուրքիայի ԱԳ նախարարները հեռախոսազրույց են ունեցել
Ռուսաստանի և Թուրքիայի արտաքին գործերի նախարարներ Սերգեյ Լավրովը և Մևլութ Չավուշօղլուն շաբաթ օրը հեռախոսազրույց են ունեցել, ՏԱՍՍ-ին հայտնել է Թուրքիայի ԱԳՆ աղբյուրը։
«Մեր նախարարն ու ՌԴ ԱԳ նախարար Սերգեյ Լավրովն այսօր հեռախոսազրույց են ունեցել»,- ասել է աղբյուրը՝ չհստակեցնելով նրանց զրույցի մանրամասները։
Մինչ այդ, ըստ աղբյուրի, ավելի վաղ Չավուշօղլուն բանակցություններ է վարել նաև իր ուկրաինացի գործընկեր Դմիտրի Կուլեբայի հետ, կողմերը «քննարկել են Ուկրաինայի վերջին իրադարձությունները»։
Ավելի վաղ Չավուշօղլուն ասել էր, որ Անկարան ցանկանում է կազմակերպել Ռուսաստանի և Ուկրաինայի արտաքին գործերի նախարարների հանդիպումը Անթալիայում՝ դիվանագիտական ֆորումի շրջանակներում, որը նախատեսված է մարտի 11-13-ը։
