Խաղաղ բնակչության տարհանման հարցն են քննարկել ՄԱԿ-ի գլխավոր քարտուղարն ու Ուկրաինայի ԱԳՆ ղեկավարը

ՄԱԿ-ի գլխավոր քարտուղար Անտոնիո Գուտերեշը Ուկրաինայի արտգործնախարար Դմիտրի Կուլեբայի հետ քննարկել է երկրում հումանիտար իրավիճակը և խաղաղ բնակչությանը, այդ թվում՝ օտարերկրացիներին տարհանելու ջանքերը։ Այս մասին ասվում է գլխավոր քարտուղարի գրասենյակի շաբաթ օրը տարածած հաղորդագրության մեջ։ 

«Գլխավոր քարտուղարն այսօր զրույց է ունեցել Ուկրաինայի արտաքին գործերի նախարար Դմիտրի Կուլեբայի հետ: Գլխավոր քարտուղարը հայտնել է ՄԱԿ-ի հանձնառությունը հումանիտար գործողություններ սկսելու հարցում ինչպես Ուկրաինայի ներսում, այնպես էլ նրա սահմաններից դուրս», – ասվում է հայտարարության մեջ: 

«Քննարկվել են նաև խաղաղ բնակչության, այդ թվում՝ օտարերկրացիների ռազմական ​​գոտուց անվտանգ տարհանման պայմանները»,- ընդգծվում է փաստաթղթում։