Բլինկենն ու Կուլեբան հանդիպել են լեհ-ուկրաինական սահմանին
Ուկրաինայի արտգործնախարարության ղեկավար Դմիտրի Կուլեբան ասել է, որ բովանդակալից բանակցություններ է վարել պետքարտուղար Էնթոնի Բլինկենի հետ՝ երկրի պաշտպանունակության ամրապնդման, սպառազինության մատակարարումների, պատժամիջոցների և Ռուսաստանի միջազգային մեկուսացման շուրջ։
Նրանց հանդիպումը տեղի է ունեցել շաբաթ օրը լեհ-ուկրաինական սահմանին։
«Կողմերը քննարկել են Ուկրաինայի պաշտպանունակության հրատապ ամրապնդումը, մասնավորապես՝ երկինքը ռուսական օդանավերից և հրթիռներից պաշտպանելու հարցում»,- ասված է Ուկրաինայի ԱԳՆ Telegram-ալիքի հաղորդագրության մեջ։
Բլինկենն իր հերթին ասել է, որ Ռուսաստանի վրա ճնշումը ոչ միայն կշարունակվի, այլև կավելանա այնքան ժամանակ, քանի դեռ չեն դադարել ռազմական գործողությունները։
«Ինչ վերաբերում է Ռուսաստանի վրա ճնշումներին, ապա դա ոչ միայն աննախադեպ է, ոչ միայն շատ կոնկրետ արդյունքներ է տալիս Ռուսաստանում, այլև այդ ճնշումը ոչ միայն կշարունակվի, այլև կաճի…»,- ասել է Բլինկենը։
