Կանադան կարգելի ռուսական նավերի մուտքը իր նավահանգիստներ և ներքին ջրեր
Կանադայի իշխանություններն այսօր հայտարարել են, որ պատրաստվում են արգելել ռուսական նավերին, այդ թվում՝ ձկնորսական նավերին մուտք գործել կանադական նավահանգիստներ և ներքին ջրեր, գրում է Интерфакс-ը:
«Այսօր տրանսպորտի նախարար Օմար Ալհաբարան, արտաքին գործերի նախարար Մելանի Ժոլին և Կանադայի ձկնորսության, օվկիանոսների և առափնյա պահպանության նախարար Ջոյս Մյուրեյը հայտարարեցին Կանադայի իշխանությունների մտադրության մասին, որի համաձայն՝ արգելվել ու է Ռուսաստանին պատկանող կամ Ռուսաստանում գրանցված ձկնորսական նավերի մուտքը Կանադայի նավահանգիստներ և ներքին ջրեր»,- ասվում է Կանադայի կառավարության հայտարարության մեջ։
Փաստաթղթում նշվում է, որ որոշումն ուժի մեջ կմտնի այս շաբաթվա վերջին։
