Արդյոք կհանդիպեն Պուտինն ու Զելենսկին. Պեսկովը մեկնաբանում է
Բելառուսում բանակցությունների արդյունքում Ռուսաստանի և Ուկրաինայի նախագահներ Վլադիմիր Պուտինի և Վլադիմիր Զելենսկու հնարավոր հանդիպման ենթադրությունը վաղաժամ է, հայտարարել է ՌԴ նախագահի մամուլի քարտուղար Դմիտրի Պեսկովը:
«Դեռ վաղ է նման եզրահանգումներ անելը»,- ասել է նա РИА Новости-ն տված մեկնաբանությունում՝ պատասխանելով Բելառուսի նախագահ Ալեքսանդր Լուկաշենկոյի հայտարարության մասին հարցին։
Բելառուսի առաջնորդն ավելի վաղ ասել էր, թե ռուս-ուկրաինական բանակցությունները կարող են հասնել Պուտինի և Զելենսկու հանդիպմանը։
Ռուսաստանի և Ուկրաինայի միջև բանակցությունները փետրվարի 28-ին Բելառուսի Գոմելի շրջանում տևել են շուրջ հինգ ժամ։ Ռուսաստանի նախագահի խորհրդական Վլադիմիր Մեդինսկու խոսքով՝ երկխոսության մասնակիցներին հաջողվել է գտնել որոշ կետեր, որոնցով հնարավոր է կանխատեսել ընդհանուր դիրքորոշումներ։
