Ալիևն ու Էրդողանն առաջարկել են բանակցություններ կազմակերպել Ռուսաստանի հետ. Զելենսկի
Ուկրաինայի նախագահ Վլադիմիր Զելենսկին ասել է, որ Ադրբեջանի առաջնորդ Իլհամ Ալիևը և Թուրքիայի նախագահ Ռեջեփ Թայիփ Էրդողանը առաջարկել են բանակցություններ կազմակերպել Ռուսաստանի հետ, գրում է RT-ն:
«Իլհամ Ալիևը և նախագահ Էրդողանը առաջարկել են բանակցություններ կազմակերպել Ռուսաստանի հետ։ Սա կարելի է միայն ողջունել»,- ասել է Զելենսկին Telegram-ի իր ալիքում հրապարակված տեսաուղերձում։
Փետրվարի 26-ին հաղորդվել էր, որ ՌԴ արտգործնախարար Սերգեյ Լավրովը հեռախոսազրույց է ունեցել իր թուրք գործընկեր Մևլութ Չավուշօղլուի հետ և նրան մանրամասն տեղեկացրել Դոնբասում հատուկ ռազմական գործողության անցկացման մասին։
