Եղիսաբեթ 2-րդը վարակվել է կորոնավիրուսով

Մեծ Բրիտանիայի թագուհին վարակվել է կորոնավիրուսով։ Այս մասին հայտնում է Reuters-ը։
 

Վիրուսաբանը Եղիզաբեթ 2-րդի կյանքին սպառնացող վտանգ չի տեսել կորոնավիրուսային վարակի պատճառով։ Մեծ Բրիտանիայի 95-ամյա թագուհին մեղմ ախտանիշներ ունի։

Moskva Speaks ռադիոկայանի մեկնաբանությունում վիրուսաբան Վիկտոր Լարիչևը բացատրել է, որ անհանգստության պատճառ չկա, քանի որ Եղիսաբեթ 2-րդը պատվաստվել է, և նոր շտամն այնքան էլ վտանգավոր չէ, որքան նախորդները:

«Ամենայն հավանականությամբ, տարիքն իրենը կասի։ Բայց ես կարծում եմ, որ ամեն ինչ լավ կանցնի, քանի որ նա պատվաստված է, քանի որ օմիկրոնն այնքան վիրուլենտ չէ, որքան նախորդ շտամները»։

Եղիսաբեթ 2-րդը կշարունակի կատարել իր պարտականությունները, գրում են տեղական լրատվամիջոցները՝ Բուքինգհեմյան պալատին հղումով։