Դոնեցկում խափանումներ են սկսվել բջջային կապի աշխատանքում
Ինքնահռչակ Դոնեցկի Ժողովրդական հանրապետությունում խափանումներ են սկսվել բջջային կապի աշխատանքում։ Դա կարող է վկայել Կիևի կողմից հարձակողական գործողությունների մոտալուտ մեկնարկի մասին, Interfax-ին ասել է Դոնեցկի ժողովրդական միլիցիայի ներկայացուցիչ Էդուարդ Բասուրինը:
Վերջինս նաև նշել է, որ այսօր ուկրաինական կողմը երեք դիվերսիոն փորձ է կատարել Դոնբասում:
Բասուրինի խոսքով՝ այսօր առավոտյան ԴԺՀ-ի ուղղությամբ արձակվել է մոտ 200 արկ ու ական՝ չհաշված նռնականետերն ու հրետանային զինատեսակները։
Ավելի վաղ Ուկրաինայի զինված ուժերի գլխավոր հրամանատար Վալերի Զալուժնին վստահեցրել էր, որ Դոնբասի վրա հարձակում չի նախատեսվում, և այդ տարածքների բնակիչներին հորդորել է չհավատալ լուրերին։
