Դոնեցկի կենտրոնում պայթեցված մեքենան պատկանում է ժողովրդական միլիցիայի վարչության պետին
Այսօր Դոնեցկի կառավարության շենքի մոտ պայթեցված մեքենան պատկանում է հանրապետության ժողովրդական միլիցիայի վարչության պետին։ Այս մասին գրում է Kp.ru-ն:
Ինչպես Դոնեցկի լրատվական գործակալությանը հայտնել է իրավիճակին ծանոթ աղբյուրը, մեքենայի սեփականատեր Դենիս Սինենկովը չի տուժել։ Պայթյունը որոտացել է ժամը 19։00-ի սահմաններում (Երևանի ժամանակով՝ 20:00)։
Հիշեցնենք, որ ուրբաթ՝ փետրվարի 18-ին, Դոնեցկի կենտրոնում հզոր պայթյուն է որոտացել։ Այն տեղի է ունեցել Դոնեցկի Ժողովրդական Հանրապետության կառավարության շենքից մի քանի մետր հեռավորության վրա։
