ՏԵՍԱՆՅՈՒԹ. Արցախցիները կանգնեցրել են ազերիների շարասյունն ու արգելել անցնել. ինչ են պահանջում Մարտակերտի բնակիչները

 Ինչպես ժամեր առաջ հայտնել էինք, այսօր վաղ առավոտյան Արցախի Հանրապետության Մարտակերտի շրջանի բնակիչները փակել էին Քարվաճառ ուղևորվող ադրբեջանական ռազմական տեխնիկայի շարասյան ճանապարհը։

Аuroranews.am-ը կապ հաստատեց ԱՀ ԱԺ պատգամավոր Մետաքսյա Հակոբյանի հետ և տեղեկացավ, որ  խաղաղապահները փորձել են միջամտել, որպեսզի բնակիչները բացեն ճանապարհը, սկայան արցախցիները մնացել են անդրդվելի: Ադրբեջանական շարասյունը չկարողանալով անցնել, ստիպված հետ է գնացել:

Հակոբյանը նշեց, որ օրեր առաջ Արցախում վիրավորում ստացած ժամկետային զինծառայողը հենց այդ հատվածի դիրքերում է վիրավորում ստացել: Սահմանային այդ միջադեպը վերջնականապես հատել է բնակիչների համբերությունը: Ըստ պատգամավորի` մարտակերտցիները նշում են, որ ադրբեջանցիները տիրոջ իրավունքով գալիս անցնում են մեր բնակավայրերով, ապա ինչուը մենք չենք կարողանում օգտագործել իրենց վերահսկողության տակ մնացած ճանապարհները, օրինակ, Քարվաճառով Հայաստան եկող հատվածը: Արցախցիներն անգամ մեր վերահսկողության տակ մնացած հատվածում գյուղատնտեսական աշխատանքներ չենք կարողանում կատարել: Ճանապարհ փակելու նպատակն է եղել հիշեցնել ադրբեջանին եռակողմ հայտարարությունը  ու պահանջել մնալ դրա շրջանակներում:  

Մանրամասները` տեսանյութում: