ՏԵՍԱՆՅՈՒԹ. Երևանում կոտրել են պատուհանն ու թալանել խանութը. տեսախցիկը ֆիքսել է
Այսօր՝ փետրվարի 16-ին, հերթական գողության դեպքն է տեղի ունեցել Երևանում:
Ժամը 05:30–ի սահմաններում 2 անհայտ անձինք քարով կոտրել են Դավթաշեն 3-րդ թաղամասի Տիգրան Պետրոսյան 21 հասցեում գործող խանութներից մեկի դռան ապակին, մտել ներս, որոշ բաժիններ տակնուվրա արել, ապա հեռացել:
Ահազանգով ժամանել է ոստիկանության Դավթաշենի բաժանմունքի օպերատիվ խումբը, սակայն ոստիկանները կարծիք են հայտնել, որ գողերը իրենց կամքից անկախ հանգամանքներում հանցագործությունն ավարտին չեն հասցրել և ոչինչ չգողանալով, հեռացել են:
Ինչպես հայտնում է ֆոտոլրագրող Գագիկ Շամշյանը, խանութում տեղադրված տեսախցիկը արձանագրել է հանցագործության պահը, որով խանութին ոչ միայն նյութական վնաս է պատճառվել, այլ նաև գողացել են տարբեր մոդելների բարձրախոսներ: Խանութին պատճառվել է մոտ 300 հազար դրամի վնաս: Փաստի առթիվ ոստիկանության Մաշտոցի բաժնի հետաքննական բաժանմունքում նյութեր են նախապատրաստվում:
Մանրամասները` տեսանյութում:
