Լուրերը մեկ տողով. Հայաստանում ջերմաստիճանը կնվազի, նոր լարվածություն՝ ԱՄՆ-Իրան հարաբերություններում

Անցած ժամվա լուրերը՝ հակիրճ և բովանդակային:

•Հայաստանում սպասվում են տեղումներ, լեռնային շրջաններում՝ բուք, ջերմաստիճանը կնվազի մինչև 12 աստիճանով։

•Financial Times-ի տվյալներով՝ Իրանը պատրաստվում է ԱՄՆ-ի նկատմամբ առավել կոշտ ռազմական պատասխանների։

•Իրանի ԱԳ նախարարը հայտարարել է, որ հնարավոր հարվածը երկրի առաջնորդին չի խախտի համակարգի կայունությունը։

•Զելենսկին հերքել է Ուկրաինայում միջուկային զենքի առկայությունը և հայտնել Ժնևում սպասվող բանակցությունների մասին։

•Սպիտակ տունը խոսում է ուկրաինական ճգնաժամի շուրջ առաջընթացի մասին, իսկ Մոսկվան դեմ է Կիևին միջուկային զենք փոխանցելու գաղափարին։

•Պեսկովը նշել է, որ Պուտին-Թրամփ-Զելենսկի հանդիպումը հնարավոր է միայն վերջնական պայմանավորվածություններից հետո։

•Սպիտակ տունը պահանջում է Իրանի հետ անժամկետ միջուկային համաձայնագիր։

•Ադրբեջանում քաղբանտարկյալները դիմել են ԵՄ-ին՝ կոչ անելով ուժեղացնել ճնշումը Բաքվի վրա։

•2025-ին արձանագրվել է մեկ տարվա ընթացքում սպանված լրագրողների ռեկորդային թիվ։

•Չինաստանը կգնի 120 Airbus, մինչ ԱՄՆ-ը մեծացնում է ՉԺՀ ռազմական ակտիվության վերահսկման ծախսերը։

•«Նոա»-ն փլեյ-օֆֆի պատասխան խաղում կհանդիպի «ԱԶ Ալկմար»-ին՝ առաջին հաղթանակից հետո։