Մեզ համար սա հաղթանակ է. Զելենսկի

Ռուսաստանի կողմից Ուկրաինայի տարածքը զավթելու և հանրապետության աշխարհաքաղաքական կուրսը փոխելու ձախողումը Կիևի հաղթանակ է, Fox News-ին տված հարցազրույցում հայտարարել է նախագահ Վլադիմիր Զելենսկին։

«Ռուսաստանը չի կարողացել և չի կարողանա զավթել մեզ։ Նրանք չեն հաղթել։ Իսկ մեզ համար սա հաղթանակ է։ Մենք պաշտպանել ենք մեր անկախությունն ու ազատությունը։ Մենք հաջողության ենք հասել։ Նրանք չեն փոխել մեր աշխարհաքաղաքական կուրսը», - ասել է Զելենսկին։

Նրա խոսքով՝ Ռուսաստանը չի կարողացել փոխարինել Ուկրաինայի դրոշը իրենց դրոշով։ Նա դա անվանել է շատ կարևոր բան և հայտարարել է, որ հպարտ է։

Դրանից առաջ Զելենսկին պատրաստակամություն է հայտնել հանդիպել Ռուսաստանի նախագահ Վլադիմիր Պուտինի հետ և նշել է ԱՄՆ-ի և Եվրոպայի կողմից Մոսկվայի վրա ճնշում գործադրելու կարևորությունը՝ հակամարտությունը դադարեցնելու համար։ Զելենսկին, մարտական ​​գործողությունները դադարեցնելու համար, «արտահայտել է փոխզիջման պատրաստակամություն և բացություն Ռուսաստանի տարածքային պահանջների շուրջ բանակցությունների համար»։