Mercedes-ով վրաերթի է ենթարկել հետիոտնի
ՀՀ ոստիկանությունում նյութեր են նախապատրաստվում փետրվարի 12-ին Երևանում տեղի ունեցած վրաերթի փաստով։ Այդ օրը, ժամը 15։50-ի սահմաններում Երևանի բնակիչ Մհեր Խչեյանը իր վարած Mercedes մակնիշի ավտոմեքենայով Ալեք Մանուկյան փողոցում վրաերթի է ենթարկել հետիոտն՝ Երևանի բնակիչ, 33-ամյա Լիանա Դանիելյանին։
Ինչպես հայտնում է shamshyan.com-ը, վարորդը փախուստի չի դիմել, օգնել է վրաերթի ենթարկվածին տեղափոխել թիվ 1 համալսարանական հիվանդանոց։ Դեպքի վայր են ժամանել ՀՀ ոստիկանույան պարեկային ծառայության Երևանի գնդի պարեկները։ Շամշյանի տեղեկություններով՝ վարորդն Մ. Խչեյանն աշխատում է «Գազպրոմ Արմենիա» ՓԲԸ-ի Կոտայքի մարզի ԳԳՄ տնօրեն։
