Պենտագոնը հերքում է. ռուսական ջրերում ամերիկյան սուզանավ չկա
ԱՄՆ ռազմածովային ուժերի սուզանավը չի գտնվել Ռուսաստանի տարածքային ջրերում՝ Կուրիլյան կղզիների մոտ։ Այս մասին ասել են Պենտագոնում:
«Ռուսաստանի պնդումները, թե մենք գործողություններ ենք իրականացնում իր տարածքային ջրերում, չեն համապատասխանում իրականությանը», – ՏԱՍՍ-ին ասել է ԱՄՆ-ի հնդխաղաղօվկիանոսյան հրամանատարության ներկայացուցիչ Քայլ Ռեյնսը:Միաժամանակ, ավելի վաղ ԱՄՆ պաշտպանության նախարարությունը հաստատել էր, որ իշխանությունները տեղյակ են Կուրիլյան լեռնաշղթայի մոտ ամերիկյան միջուկային սուզանավի հետ կապված իրավիճակի մասին՝ հրաժարվելով մանրամասնել միջադեպը:
Ռեյնսը նաև հրաժարվել է պատասխանել ամերիկյան սուզանավերի կոնկրետ գտնվելու վայրի վերաբերյալ հարցերին՝ հավելելով, որ ԱՄՆ-ը «թռիչքներ է իրականացնում, ծովային գործողություններ և անվտանգ է գործում միջազգային ջրերում»:
Ավելի վաղ՝ փետրվարի 12-ին, ՌԴ պաշտպանության նախարարությունը հայտնել էր, որ ԱՄՆ ռազմածովային ուժերի Վիրջինիա դասի սուզանավը ներխուժել է Ռուսաստանի տարածքային ջրեր Կուրիլյան կղզու մոտակայքում։
