Ուկրաինա ՌԴ-ի ներխուժման դեպքում ԱՄՆ-ը վճռական և արագ պատասխան կտա

ԱՄՆ նախագահ Ջո Բայդենը Ռուսաստանի նախագահ Վլադիմիր Պուտինի հետ հեռախոսազրույցում քննարկել է Ռուսաստանի կողմից Ուկրաինայի հետ սահմանին ուժերի աճն ու հայտարարել, որ Վաշինգտոնը պատրաստ է ինչպես Մոսկվայի հետ հետագա դիվանագիտական փոխգործակցությանը, այնպես էլ իրադարձությունների զարգացման այլ սցենարներին: Այս մասին ասված է Սպիտակ տան մամուլի ծառայության տարածած գրավոր հայտարարության մեջ։ 

Բայդենը Պուտինի հետ քննարկել է Ռուսաստանի կողմից Ուկրաինայի հետ սահմանին ռազմական ուժերի աճը: Սպիտակ տան ղեկավարը նախազգուշացրել է, որ ԱՄՆ-ը վճռական և արագ պատասխան կտա այդ երկիր ՌԴ-ի ներխուժման դեպքում: 

«Նախագահ Բայդենը հստակ հասկացնել է տվել նախագահ Պուտինին, որ չնայած Միացյալ Նահանգները պատրաստ է մնում դիվանագիտական փոխգործակցությանը մեր դաշնակիցների ու գործընկերների հետ լիարժեք համակարգմամբ, մենք հավասարապես պատրաստ ենք այլ սցենարներիե,- նշվում է հայտարարության մեջ: 

Ամերիկյան կողմի տվյալների համաձայն ՝ Բայդենի և Պուտինի զրույցը տևել է ավելի քան մեկ ժամ: 

Ինչպես ավելի վաղ հայտնել էր Ռուսաստանի նախագահի մամուլի քարտուղար Դմիտրի Պեսկովը, զրույցի անցկացման նախաձեռնությունը բխում էր Վաշինգտոնից, ընդ որում ՝ հարցմանը նախորդել է ամերիկյան կողմի գրավոր դիմումը: 

Ռուսաստանի և ԱՄՆ-ի նախագահները մինչ այդ հեռախոսով շփվել են անցյալ տարվա վերջին: Դեկտեմբերի 7-ին նրանց մոտ կայացել են տեսակոնֆերանսի ռեժիմով բանակցություններ։ Պուտինի և Բայդենի՝ որպես պետությունների ղեկավարների առաջին առերեսումը Ժնևում տեղի է ունեցել 2021 թվականի հունիսին: