Մանրամասներ՝ Պուտին-Մակրոն հեռախոսազրույցից

Ռուսաստանի և Ֆրանսիայի նախագահներ Վլադիմիր Պուտինի և Էմանուել Մակրոնի հեռախոսազրույցում քննարկվել են Ուկրաինա ներխուժելու Ռուսաստանի ենթադրյալ ծրագրերի մասին սադրիչ շահարկումների թեման։ Այս մասին շաբաթ օրը հայտարարել է Կրեմլի մամուլի ծառայությունը՝ առաջնորդների զրույցի արդյունքներով։

«Վլադիմիր Պուտինն ու Էմանուել Մակրոնը քննարկել են  իրավիճակը՝ կապված ՌԴ-ի կողմից իբր  Ուկրաինա «ներխուժման» մասին սադրիչ շահարկումների թեման, երբ այն ուղեկցվում է Ուկրաինան ժամանակակից սպառազինությամբ զինելով ու դրանով իսկ նախադրյալներ   ստեղծելով Ուկրաինայի կողմից Դոնբասի նկատմամբ ագրեսիվ գործողությունների համար»,- ասվում է հաղորդագրության մեջ։

Ինչպես նշել են Կրեմլում, ՌԴ ղեկավարն ընդգծել է «արևմտյան առաջատար երկրների ցանկության բացակայությունը՝ մղելու Կիևի իշխանություններին իրականացնելու Մինսկի պայմանավորվածությունները, ինչը ևս մեկ անգամ դրսևորվեց փետրվարի 10-ին Բեռլինում նորմանդական ձևաչափի առաջնորդների քաղաքական խորհրդականների խորհրդակցությունների անարդյունք փուլով»։

«Կրեմլում հավելել են, որ Պուտինն ու Մակրոնն ընդհանուր առմամբ հերթական անգամ կարծիքներ են փոխանակել ՌԴ-ի համար անվտանգության երաշխիքների հարցերի շուրջ: Ի շարունակություն Ֆրանսիայի նախագահի՝ վերջերս Մոսկվա կատարած այցի ընթացքում տեղի է ունեցել կարծիքների խորացված փոխանակում այն հարցերի շուրջ, որոնք վերաբերում են Ռուսաստանի Դաշնության անվտանգության երկարաժամկետ իրավաբանական երաշխիքների ապահովմանը և ներուկրաինական հակամարտության կարգավորման հարցում փակուղու հաղթահարմանը, այդ թվում՝ հաշվի առնելով Էմանուել Մակրոնի զրույցները Ուկրաինայի, ԱՄՆ-ի և եվրոպական մի շարք պետությունների ղեկավարների հետ»,- ասված է հաղորդագրությունում։

Կրեմլը հավելել է, որ Պուտինը և Մակրոնն ընդհանուր առմամբ ևս մեկ անգամ կարծիքներ են փոխանակել Ռուսաստանի Դաշնության անվտանգության երաշխիքների վերաբերյալ։

Զրույցը կայացել է ֆրանսիական կողմի նախաձեռնությամբ, հայտնել են Կրեմլից։