Գերմանիան կարևորում է Պուտինի հետ երկխոսությունը

Գերմանիայի կառավարության աղբյուրը հայտնել է, որ Բեռլինը Մոսկվայից ապաԷսկալացման կոնկրետ քայլեր է ակնկալում։

Բեռլինը Մոսկվայից կոնկրետ քայլեր է ակնկալում Կիևի շուրջ ապաԷսկալացման ուղղությամբ և ընդունում է Ռուսաստանի հետ ապագա բանակցությունների կարևորությունը, հայտարարել է Գերմանիայի կառավարության անանուն աղբյուրը: Այս մասին կիրակի՝ փետրվարի 13-ին, հայտնում է ՏԱՍՍ-ը։

«Մեր տեսանկյունից կարևոր է, որ լինեն ապաԷսկալացման կոնկրետ քայլեր։ Դրա նշանակությունը պետք չէ նվազեցնել։ Ռուսաստանի նախագահ Վլադիմիր Պուտինի հետ ուղիղ երկխոսությունը կարեւոր կլինի», - ասել է աղբյուրը։

Նա պնդում է, որ Գերմանիայում տարբեր մակարդակներով բանակցությունների փաստը շատ դրական է գնահատվում, նույն աջակցությունն է ստացել նաեւ Գերմանիայի կանցլեր Օլաֆ Շոլցի որոշումը Պուտինի հետ հանդիպում անցկացնելու մասին: