Կիևը զրահատեխնիկա է տեղակայում Դոնբասի բնակելի թաղամասերում
Ինքնահռչակ Լուգանսկի Ժողովրդական Հանրապետության ժողովրդական աշխարհազորայինները կրկին նկատում են Ուկրաինայի ուժայինների զրահամեքենաները Դոնբասի շփման գծի մերձակայքում գտնվող բնակավայրերի բնակելի թաղամասերում, շաբաթ օրը լրագրողներին հայտնել են LPR-ի պաշտպանության դեպարտամենտի մամուլի ծառայությունից։ Այս մասին հայտնում է РИА Новости-ն։
«Հակառակորդը, խախտելով լրացուցիչ միջոցառումների երրորդ պարբերությունը, շարունակում է զենք և զինտեխնիկա տեղակայել Ուկրաինայի կողմից վերահսկվող տարածքում գտնվող բնակավայրերում»,- ասել է խոսնակը։
Նրա խոսքով՝ Ժողովրդական միլիցիան Կիևի կողմից վերահսկվող Ստանիցիա Լուգանսկա և Մակարովո բնակավայրերում գրանցել է Ուկրաինայի ուժայինների BRDM-2 զրահահետախուզական և պարեկային մեքենաները։
