Չինաստանը ՆԱՏՕ-ի ընդլայնման մեջ անվտանգային խնդիր է տեսնում
Չինաստանը կարծում է, որ ՆԱՏՕ-ի ընդլայնումը չի նպասում գլոբալ անվտանգությանն ու կայունությանը։ Այս մասին ասվում է ԵՄ-ում Չինաստանի ներկայացուցչության պաշտոնական կայքում հրապարակված հայտարարության մեջ, փոխանցում է РИА новости-ն։
««Սառը պատերազմի» ավարտից 30 տարի անց ՆԱՏՕ-ն շարունակում է ընդլայնել իր աշխարհագրությունն ու օպերացիաների տիրույթը, զբաղվում է դաշինքային քաղաքականությամբ և առճակատմամբ։ Դա չի նպաստում գլոբալ անվտանգությանն ու կայունությանը»,-ասված է հայտարարության մեջ։
