Նախագահի թեկնածուն հայտարարել է, որ նախագահ ընտրվելու դեպքում, Ֆրանսիան դուրս կգա ՆԱՏՕ-ից
Աջակողմյան «Ազգային միավորում» կուսակցությունից Ֆրանսիայի նախագահի թեկնածու Մարին Լը Պենը խոստացել է, որ նախագահ ընտրվելու դեպքում, Ֆրանսիան դուրս կգա ՆԱՏՕ-ից, գրում է ՌԻԱ «Նովոստի»-ն:
«Մենք պետք է ազատորեն պաշտպանենք մեր շահերը, դուրս գանք ռազմական բլոկների տրամաբանությունից... Հետևաբար, մենք դուրս կգանք ՆԱՏՕ-ի համատեղ հրամանատարությունից, որպեսզի այլևս չկարողանանք ներքաշվել այլոց հակամարտությունների մեջ», - ասել է Լը Պենը շաբաթ օրը՝ ելույթ ունենալով իր ընտրողների հետ հանդիպմանը:
Հիշեցնենք՝ Ֆրանսիայում նախագահական ընտրությունները տեղի կունենան 2022 թվականի ապրիլին։ Մի շարք թեկնածուներ արդեն հայտարարել են նախագահական ընտրություններին մասնակցելու իրենց ցանկության մասին։
