Հարավային Կորեայի նախագահը կոչով դիմել է Հյուսիսային Կորեային

Կորեայի Հանրապետության նախագահ Մուն Չժէ Ինը կիրակի Ազգային Անվտանգության խորհրդի նիստի ժամանակ ելույթ ունենալիս կոչ է արել ԿԺԴՀ-ին դադարել տարածաշրջանում լարվածություն ստեղծել ու պատասխանել է երկխոսությունը վերականգնելու կոչերին: Հարավային Կորեայի առաջնորդի հայտարարությունն արվել է Հյուսիսային Կորեայի կողմից վերջին հրթիռային արձակմամբ, հաղորդում է ՏԱՍՍ-ը՝ հղում անելով Yonhap-ը: 

Ինչպես նշել է երկրի ղեկավարը, Հյուսիսային Կորեայից հերթական հրթիռային արձակումը մարտահրավեր է Կորեական թերակղզու ապամիջուկայնացման, տարածաշրջանում խաղաղություն եւ կայունություն ապահովելու, ինչպես նաեւ միջազգային հանրության դիվանագիտական ջանքերի համար»: Նա ընդգծել է, որ արձակումը խախտում է ՄԱԿ-ի Անվտանգության Խորհրդի համապատասխան բանաձեւը: 

Բացի այդ, Հարավային Կորեայի առաջնորդը հայտարարել է, որ Հյուսիսային Կորեան մոտենում է միջուկային փորձարկումների մասին մորատորիումի խախտմանը՝ արձակելով բալիստիկ հրթիռներ: «Հյուսիսային Կորեան առ այսօր պահպանում էր միջուկային փորձարկումների եւ միջին հեռավորության բալիստիկ հրթիռներ արձակելու մորատորիումը, երկխոսելու պատրաստակամություն էր հայտնում: Սակայն մենք կարող ենք համարել, որ կատարելով արձակումը՝ նրանք (ԿԺԴՀ-ն) մոտեցել են մորատորիումից հրաժարմանը»,-գործակալությունը մեջբերում է Մուն Չժէ Ինի խոսքերը: 

Ավելի վաղ Yonhap գործակալությունը տեղեկացրել էր, որ Հյուսիսային Կորեան չբացահայտված արկ է արձակել Չագանդո նահանգից: Հարավային Կորեայի շտաբերի ղեկավարների կոմիտեում հայտարարել են, որ հետեւում են Հյուսիսային Կորեայում համապատասխան տեղաշարժին: