ԵՄ-ի դիվանագիտությունն անարդյունավետ են անվանել Եվրոպայում Ուկրաինայի շուրջ ստեղծված իրավիճակում 

Եվրոպայի ծայրահեղ աջ կուսակցությունների առաջնորդները Ուկրաինայի շուրջ ստեղծված իրավիճակում Մադրիդում կայացած հանդիպման արդյունքներով ընդունված համատեղ հռչակագրում Եվրամիության դիվանագիտությունն անվանել են անարդյունավետ։ Այս մասին գրել է «ՌԻԱ Նովոստի»-ն։ 

Հռչակագիրը կոչ է անում «աշխատել՝ ապահովելու համար, որ Եվրոպայի երկրները համերաշխ գործեն արտաքին հարձակումների սպառնալիքի պայմաններում։ 

«Եվրոպական երկրների միջև պաշտպանության ոլորտում համերաշխությունը, վստահությունը և համագործակցությունը անհրաժեշտ են նման սպառնալիքների առնչությամբ», – փաստաթղթի բովանդակությունը մեջբերում է իսպանական VOX կուսակցության պատգամավոր Խորխե Բուկսադեն: 

Կուսակցության առաջնորդները խոսել են նաև «ԵՄ դիվանագիտության անարդյունավետության» մասին։ 

«Յուրաքանչյուր ժողովուրդ պետք է ուժեղ և միասնական ձայն ունենա՝ պաշտպանելու խաղաղությունը, տարածքային ամբողջականությունը և եվրոպական երկրների սահմանների անձեռնմխելիությունը»,- ասվում է փաստաթղթի տեքստում։