37-ամյա կինն ու 4 երեխաները մահացել են․ հրդեհ՝ Ռուսաստանում

Ռուսաստանի Արխանգելսկի շրջանի Պլեսեցկ համայնքի բնակչուհին և նրա 4 մանկահասակ երեխաները մահացել են շաբաթ գիշեր տեղի ունեցած հրդեհի պատճառով: Ինչպես հաղորդում է ՏԱՍՍ գործակալությունը՝ հղումա նելով ՌԴ Քննչական կոմիտեին, փայտե տանը տեղի ունեցած հրդեհի պատճառով քրեական գործ է հարուցվել:

Հաղորդվում է, որ հրդեհ է բռնկվել 12 բնակարանից կազմված շենքում: Հրդեհի մարման աշխատանքների ժամանակ հայտնաբերվել է 37-ամյա կնոջ և 3-12 տարեկան 4 մանկահասակ երեխայի մարմին:

Նրանց մահվան նախնական պատճառը այրման նյութերով թունավորումն է: Քրեական գործ է հարուցվել հանցագործությունների նախանաններով՝ ըստ «Երկու և ավելի անձանց անզգուշությամբ մահ պատճառելու» և «Երկու և ավելի անձանց մահվան պատճառ դարձած անփութության» մասին հոդվածների:

Տան մյուս բնակիչները չեն տուժել: Կատարվածի պատճառն, ըստ վարկածներից մեկի, բազմազավակ ընտանիքի բնակարանում էլեկտրական վառարանի անսարքությունն է եղել: