Այսօր՝ հունվարի 27-ին, ավտովթար է տեղի ունեցել Սյունիքի մարզում։ Ժամը 16։30-ի սահմաններում Գորիսի բնակիչ՝ 32-ամյա Սեյրան Օ-ն իր վարած Nissan March մակնիշի ավտոմեքենայով Գորիս քաղաքի Սյունիքի փողոցում բախվել է Գորիսի բնակիչ՝ 35-ամյա Վլադիմիր Օ-ի վարած Opel Astra մակնիշի ավտոմեքենային։ 

Ինչպես հայտնում է shamshyan.com-ը, վթարի հետևանքով Սեյրան Օ-ի ուղևոր՝ Գորիսի բնակիչ, 42-ամյա Էրիկ Մ-ն մարմնական վնասվածքներով տեղափոխվել է «Գորիս» բժշկական կենտրոն։