Ուկրաինա է հասել ամերիկյան զենքի երկրորդ խմբաքանակը

ԱՄՆ-ի ռազմական օգնության երկրորդ խմբաքանակն է հասել Ուկրաինա։ Այս մասին հայտնել է Ուկրաինայի պաշտպանության նախարար Ալեքսեյ Ռեզնիկովն իր թվիթերյան էջում։

Ավելի քան 80 տոննա սպառազինությամբ ինքնաթիռը վայրէջք է կատարել Կիևի օդանավակայանում։

Ըստ լուսանկարների՝ խմբաքանակում ներառված են մեկանգամյա օգտագործման ձեռքի նռնականետեր (M141 Bunker Defeat Munition):
Օրերս ուղարկվել էր 200 մլն դոլարի օգնության առաջին խմբաքանակը՝ մոտ 91 հազար կգ մահաբեր զենքով։

ՌԴ ԱԳՆ պաշտոնական ներկայացուցիչ Մարիա Զախարովան «Известия»-ի հետ հարցազրույցում հայտարարել է, որ Ուկրաինան Արևմուտքի կողմից ընկալվում է որպես ազդեցության գործիք՝ տարածաշրջանում իր շահերը խթանելու, իրադրությունն ապակայունացնելու, որոշ գործընթացների վրա ազդելու և Ռուսաստանին մեղադրելու համար։