Ո՞րն է, Վաղո՛, քո հայրենիք․ Աննա Գրիգորյանը՝ Վաղարշակ Հակոբյանին

«Անցյալից եք խոսում, խրամատներից եք խոսում, Դուք առաջնագիծ գնացե՞լ եք ընդհանրապես: Դուք ծառայե՞լ եք իսկապես: Չե՛ք ծառայել»,- դիմելով ՔՊ-ական պատգամավոր Վաղարշակ Հակոբյանին՝ հայտարարեց «Հայաստան» խմբակցության պատգամավոր Աննա Գրիգորյանը: «Անդադար խոսել նախկինում տեղի ունեցած սխալներից ճիշտ չէ մի իրավիճակում, երբ Արցախի կորստի առջև ենք կանգնած, երբ Սյունիքը վտանգված է»,- հավելեց Գրիգորյանը՝ խոսքն ավարտելով Շիրազի բանաստեղծությունից մեջբերումով. «Ո՞րն է, բաբո՛, մեր հայրենիք.... Հիմա հարց ունեմ, կներեք Ձեր անունը կկրճատեմ հանգի համար. ո՞րն է, Վաղո՛, քո հայրենիք»:

ԱԺ փոխխոսնակ Հակոբ Արշակյանը հորդորեց միմյանց դիմել ազգանուններով: