ՏԵՍԱՆՅՈՒԹ․ Ադրբեջանին պետք է ստիպել կա՛մ նահանջել, կա՛մ օգտագործել ՀԱՊԿ-ի ռազմական բաղադրիչը. Օհանյան
Հայաստանը կա՛մ պետք է ստիպի Բաքվին լքել օկուպացված տարածքները, կա՛մ ռազմական օգնություն հայցի ՀԱՊԿ-ից, ասել է Հայաստանի ընդդիմադիր խմբակցության ղեկավար, պաշտպանության նախկին նախարար Սեյրան Օհանյանը։
«Խոսքը միայն այն տարածքների մասի՞ն է, որտեղ ներթափանցել է Ադրբեջանը, կամ ամբողջ սահմանային գոտին։ Եթե խոսքը ներխուժման գոտիների մասին է, ապա Բաքուն պետք է միակողմանի դուրս բերի իր զորքերը։ Սահմանազատման գործընթացի համար թշնամիները պետք է դառնան հարեւաններ, ստեղծեն խառը հանձնաժողով, բայց ներկայիս ագրեսիվ հռետորաբանությամբ, սադրանքներով ու լոկալ հարձակումներով Ադրբեջանը չի կարող համարվել հարեւան»,- ասել է Օհանյանը։
