Բրիտանիան Ուկրաինային «ինքնապաշտպանվելու» համար զինտեխնիկա կհատկացնի

 Մեծ Բրիտանիան Ուկրաինային կմատակարարի թեթև հակատանկային պաշտպանական զինատեսակներ՝ «ինքնապաշտպանության» համար: Այս մասին հայտարարել է Մեծ Բրիտանիայի պաշտպանության նախարար Բեն Ուոլեսը՝ ելույթ ունենալով խորհրդարանում։
«Մենք որոշել ենք Ուկրաինային մատակարարել թեթև հակատանկային պաշտպանական սպառազինության համակարգեր, դրանք ռազմավարական զենք չեն և վտանգ չեն ներկայացնում Ռուսաստանի համար, դրանք նախատեսված են ինքնապաշտպանության մեջ օգտագործելու համար»,- ասել է նա։
 

ՌԴ ԱԳՆ-ն ավելի վաղ նշել էր, որ «ռուսական ագրեսիայի» և Կիևին դրանից պաշտպանվելու հնարավորության մասին արևմուտքի հայտարարությունները և՛ ծիծաղելի են, և՛ վտանգավոր։

Միևնույն ժամանակ, Կիևը և արևմտյան երկրները վերջերս մտահոգություն են հայտնել Ուկրաինայի սահմանների մոտ Ռուսաստանի կողմից «ագրեսիվ գործողությունների» ենթադրյալ աճի կապակցությամբ։ Ռուսաստանի Դաշնության նախագահի մամուլի քարտուղար Դմիտրի Պեսկովը հայտնել է, որ Ռուսաստանը զորքերը տեղափոխում է իր տարածք և իր հայեցողությամբ։ Նրա խոսքով, դա ոչ մեկին չի սպառնում եւ չպետք է անհանգստացնի որեւէ մեկին։