Ադրբեջանը Ֆրանսիայի նախագահի թեկնածուին Արցախ այցելելուց հետո ներառել է «սև ցուցակում»

Ֆրանսիայի նախագահի թեկնածու, Փարիզի Իլ դը Ֆրանս շրջանի ղեկավար Վալերի Պեկրեսը Արցախ այցելելուց հետո ներառվել է Ադրբեջանի «սև ցուցակում»: 

Ինչպես հայտնում են ադրբեջանական ԶԼՄ-ները՝ քաղաքական գործչի՝ Արցախ այցելությունից հետո Ադրբեջանում Ֆրանսիայի դեսպանը կանչվել է այդ երկրի ԱԳՆ։

Ադրբեջանի ԱԳՆ-ում Ֆրանսիայի դեսպանին նոտա են հղել, ըստ որի՝ Ֆրանսիայի մի քանի քաղաքացիների, այդ թվում՝ Ֆրանսիայի նախագահի թեկնածու Վալերի Պեկրեսի անունը, որոնք այցելել են Արցախ, ներառվել են այն անձանց ցուցակում, որոնց մուտքն Ադրբեջան անցանկալի է։