Պատվաստանյութերը, ամենայն հավանականությամբ, կպաշտպանեն Covid-19-ի ծանր դեպքերից նաև Օմիկրոնի դեպքում. ԱՀԿ

Պատվաստանյութերը, ամենայն հավանականությամբ, կպաշտպանեն Covid-19-ի ծանր դեպքերից, որոնք առաջացել են նոր օմիկրոն շտամի պատճառով: Այս մասին հայտնել է Առողջապահության համաշխարհային կազմակերպության ներկայացուցիչը, գրում է Bloomberg-ը:

Նշվում է, որ այսպիսով, ԱՀԿ-ն փորձում է փարատել մտավախությունները, որ այս շտամը կարող է շրջանցել համավարակի դեմ պայքարի ամենաարդյունավետ միջոցները:
 

«Մենք գիտենք, որ պատվաստանյութերն ունեն որոշակի պաշտպանություն», - ասել է ԱՀԿ գլխավոր գիտնական Սումյա Սվամինաթանը: Նա նշել է, որ դեռ պետք է պարզեն, թե արդյոք պաշտպանության կորուստ կա: Միևնույն ժամանակ, նա կարծիք է հայտնել, որ պատվաստանյութերը կշարունակեն պաշտպանել ծանր ընթացքից, ինչպես այլ տարբերակների դեպքում է»: