Առողջապահության համաշխարհային կազմակերպության գլխավոր տնօրեն Թեդրոս Ադհանոմ Գեբրեյեսուսը նախազգուշացրել է, որ մարդկանց սոցիալականացման մակարդակը վերադառնում է մինչհամավարակային մակարդակի, ինչի հետևանքով կորոնավիրուսն ավելի շատ կտարածվի՝ հատկապես ամանորյա տոների ֆոնին: 

Ինչպես փոխանցում է The Guardian պարբերականը Գեբրեյեսուսը:

Գեբրեյեսուսը նշել է, որ «պատվաստանյութերը կյանքեր են փրկում, բայց ամբողջությամբ չեն կանխում վիրուսի տարածումը». «Մեզ անհանգստացնում է անվտանգության կեղծ զգացումը, երբ մարդիկ կարծում են, որ պատվաստումը վերջ է դրել համավարակին, և որ պատվաստված մարդիկ չպետք է այլ նախազգուշական միջոցներ ձեռնարկեն»: 

ԱՀԿ-ի տվյալներով՝ անցած շաբաթ աշխարհում COVID-19-ից մահացության և հիվանդացության բոլոր դեպքերի 60 տոկասից ավելին արձանագրվել է Եվրոպայում։

Ըստ Ջոն Հոփկինսի համալսարանի տվյալների՝ մինչև օրս աշխարհում հայտնաբերվել է կորոնավիրուսի գրեթե 260 միլիոն դեպք։ Հիվանդությունը 5 193 277 մարդու կյանք է խլել։