Վրաստանը չի դիտարկում «3 + 3» ձևաչափին մասնակցելու հնարավորությունը

Վրաստանի իշխանությունները չեն դիտարկում Հարավային Կովկասի տարածաշրջանում տնտեսական և տրանսպորտային կապերի ապաշրջափակման հարցով «3 + 3» բանակցային ձևաչափին (Ադրբեջան, Հայաստան, Վրաստան - Ռուսաստան, Թուրքիա, Իրան) մասնակցելու հնարավորությունը։ Այս մասին ասված է երկրի կառավարության տարածած հաղորդագրության մեջ, գրում է ТАСС-ը: 

Ռուսաստանի Դաշնության հետ հարաբերությունների կարգավորման հարցով Վրաստանի վարչապետի հատուկ ներկայացուցիչ Զուրաբ Աբաշիձեի և ռուս սենատոր Գրիգորի Կարասինի բանակցությունների արդյունքները ներկայացնող հաղորդագրության մեջ մասնավորապես նշված է. «Ռուսական կողմը հետաքրքրվել է, թե ինչպես է վրացական կողմը վերաբերվում նոր տարածաշրջանային խորհրդակցությունների «3+3» մեխանիզմին և այս համատեքստում կոնկրետ իրադարձություններին, ինչին Զուրաբ Աբաշիձեն պատասխանել է, որ վրացական կողմը չի դիտարկում այս նախաձեռնությանը մասնակցելու հնարավորությունը»:

Վրաստանի փոխվարչապետ, արտաքին գործերի նախարար Դավիթ Զալկալիանին նոյեմբերի 19-ին խորհրդարանում ելույթ ունենալիս ասել էր, որ Թբիլիսին չի նախատեսում մասնակցել «3 + 3» ձևաչափին։